Eins og gráðugir geltir

Ég afsaka orðbragðið þótt satt sé.

Þessi fallega mynd af þessum fallegu "vinnumönnum" endurspeglar örlítið  þessa fallegu peningahyggju okkar fallegu íslendinga sem er algjörlega farin svona fallega úr böndunum. Það er ágætt að þessi fallegi almenni verkamaður okkar sé meira og meira að fjarlægjast ásættanleg laun. Hvenær eigum við íslendingar eftir að vakna upp af þessari geðveiki? Eins og ég hélt svo innilega að það væri að reyna að minnka bilið á milli fátækra og ríkra. En nei. Það er greinilega ekki svoleiðis.

Að ungt fólk og þá sérstaklega utan að landi sem á ekki ættingja hér í RVK geti ekki flutt hingað til að stunda nám vegna þess hversu há leigan er. Hvað er að verða um okkur? 

Þetta er ekki líf sem ég vil taka þátt í enda tel ég niður daganna þar til ég klára mitt nám og kveð Ísland.

Og hana nú!

Góðar stundir.

Launin þola ekki dagsljós